Шымбұлақта қар көшкіні жүріп, бір адам қаза тауып, бірнеше адам зардап шекті

Алматы тауларында болған қар көшкіні салдарынан қар құрсауында қалған бір адам қаза тапты, деп хабарлайды Orda.kz.

Бүгін 14:57-де «Шымбұлақ» тау шаңғысы курортының Талғар жақ аумағында Богданович мұздығының үстіндегі асуда қар көшкіні жүрді. Үш шаңғышы беткейде сырғанап, қар көшкінінің жүруіне себеп болды.

Көшкін кезінде осы үш адам қар астында қалды. Екеуі өздігінен шықса, ал үшіншісі өлі табылды. 

ТЖМ мәліметінше, қаза болған Ресей Федерациясынан  келген 1990 жылғы әйел.