Шығыс Қазақстанда үш ауылдың атауы қазақшаланады

Шығыс Қазақстан облысы Үлкен ауданында үш елді мекеннің атын өзгерту жоспарлап отыр, деп хабарлайды Orda.kz.

Yk-news.kz мәліметінше, бұл «Қазақстан Республикасындағы тіл саясатын 2023-2029 жылдардағы дамыту тұжырымдамасына» сәйкес жүзеге аспақ. 

Аудан әкімдігі хабарлағандай, 2024 жылы Белогорск ауылында төрт көшенің атауын өзгерту бойынша құжаттарды тіркеу аяқталған. Сонымен қатар, облыстық ономастикалық комиссияға келесі атауларды өзгерту туралы ұсыныстар жіберілген:

• Қазачье ауылы — Бірлік;
• Гагарин ауылы — Жартас;
• Ново-Азовое ауылы — Долағайлы.

Сонымен қатар, Гагарин ауылындағы орта мектепке Ахмет Байтурсыновтың атын беру мәселесі де талқылануда.

Атауларды өзгерту туралы шешім комиссияның қарауынан кейін және уәкілетті органдармен келісілгеннен кейін қабылданады.