Шығыс Қазақстан облысының тұрғындары Сенатқа жүгінді: олар уақытты бір сағатқа артқа шегергісі келмейді

Өскемен тұрғындарының бастамашыл тобы Қазақстанның біртұтас уақыт белдеуіне көшуіне қарсы шықты. Олар облыс әкіміне, Мәжіліс және Сенат депутаттарына үндеу жазып, онда өз уәждерін тізбелеген, деп хабарлайды Orda.kz порталы YK-news.kz сайтына сілтеме жасап.

«Егер сіз уақытты бір сағатқа артқа жылжытсаңыз, жазда түнгі екіде күн шығады, ал 20:00-де қараңғы болады. Осылай  биологиялық ырғақ мүлде бұзылады, ал көптеген аурулардың себебі осы, биоритмнің бұзылуы», – дейді өскемендіктер. 

Олар біртұтас уақыт белдеуіне көшу нәтижесінде созылмалы аурулардың асқынып, Шығыс Қазақстан облысы тұрғындары көрсеткіштерінің төмендеуіне әкелетініне сенімді.

«Шығыс Қазақстан облысында уақытты артқа емес, бір сағат алға жылжыту керек», - делінген үндеуде.

8 желтоқсанда 29 ақпаннан 1 наурызға қараған түні қазіргі Қазақстанның батыс аймақтары қолданатын UTC+5 уақыт белдеуіне: Астана, Алматы, Шымкент, Абай, Ақмола, Алматы, Жамбыл, Жетісу, Қарағанды, Қостанай, Павлодар, Солтүстік Қазақстан, Түркістан, Ұлытау және Шығыс Қазақстан облыстары ауысуы керек екені белгілі болды.

Қазан айында қостанайлықтар, керісінше, президент Қасым-Жомарт Тоқаевтан бүкіл ел бойынша біркелкі уақыт белгілеуді сұраған болатын. Мемлекет басшысының атына жазылған петицияға 500-ден астам қазақстандық қол қойған еді.

Бұл туралы төмендегі сілтемеден оқи аласыз:

https://kaz.orda.kz/uakyt-beldeulerin-ozgertu-bir-rettik-okiga-hronobiologija-sarapshysy-121557/