Шығыс Қазақстан облысында бірден үш әкім жазаланды

Шенеуніктер мемлекеттік сатып алу туралы заңды бұзған.

Шығыс Қазақстан облысында прокурорлар мемлекеттік сатып алу бойынша тікелей шарт жасасқан үш әкімге айыппұл салды.

«Қолданыстағы заңнама аудан қалаларының, ауылдардың, кенттердің және ауылдық округтердің әкімдеріне құны 3000 АЕК-тен аспайтын қызметтерді бір көзден алу тәсілімен сатып алуға мүмкіндік береді («Мемлекеттік сатып алу туралы» Заңның 39-бабы)» деп түсіндірді қадағалау органы.

Сонымен қатар, кейбір әкімдер сатып алуды жүргізгенде бір жұмыстың құнына ғана назар аударып, заң талаптарын әдейі елеусіз қалдырған.

«Мәселен, Шемонаиха қаласының әкімдігі қысқы жол жөндеу жұмыстарына жалпы сомасы 27,2 млн теңгеге үш келісім-шарт жасады. Жұмыстың сипаты біркелкі болғанымен, жалпы құны 3000 АЕК-тен асқанын ескере отырып, бұл сатып алулар бәсекелестік жағдайында жүзеге асырылуы керек еді».

Осындай заңбұзушылықтарға Зевакин және Вавилон ауылдық округтерінің әкімдері де жол берген.

Қадағалау актісі бойынша лауазымды тұлғалар ҚР ӘҚБтК-нің 207-бабы бойынша жауапкершілікке тартылды. Олар 100 АЕК көлемінде айыппұл төлеуі керек.