Шығыс Қазақстан облысында 2 миллионға жуық еден жуғыш сатып алмақ болған

«Семей медицина университеті» КЕАҚ Өскемен филиалынан 2 миллионға жуық еден жуғыш құрылғысы мен 1,2 миллион теңгеге матрац сатып алу жоспарланған.

«Антикордың» өңірдегі есебінде атап өтілгендей, білім мекемесі 1,9 миллион теңгеге швабраның бір данасын және 1,2 миллион теңгеге матрац жиынтығын сатып алуды жоспарлаған. Бұл ретте швабраның орташа нарықтық бағасы 25 000 теңге болса, бір матрацтың бағасы 30 000 теңгеден 130 000 теңгеге дейін ауытқиды.

Антикордың ұсынысынан кейін мемлекеттік сатып алу жоспарларына түзетулер енгізіліп, 3 млн теңгеге жуық қаржы үнемделді. Үнемделген қаржы басқа тауарларды сатып алуға бағытталады» делінген ШҚО бойынша Сыбайлас жемқорлыққа қарсы қызметі хабарламасында.

Сондай-ақ, ведомствоның ұсынымдары бойынша барлығы 2022 жылы мемлекеттік органдар мен квазимемлекеттік сектор субъектілері сатып алуды нақтылап, бюджетті 425 миллион теңгеге, ал биылғы жылдың басынан бері 205 миллион теңгеге үнемдегені айтылады.