Шығыс Қазақстанда той кезінде үш жасар бүлдіршін мерт болды

Шығыс Қазақстан облысы Көктал ауылындағы тойда үш жасар бүлдіршін көз жұмды. Кейбір деректер бойынша, балақай жаңғақ жұтып қойған.

Облыстық полиция департаменті баланың қайтыс болғанын растады.

«2021 жылдың 11 қарашасында Көктал ауылында 2018 жылы туған бүлдіршіннің өліміне қатысты Үржар аудандық полиция бөлімі сотқа дейінгі тергеу амалдарын бастады» деді Шығыс Қазақстан облысы полиция департаменті.

Қылмыстық іс бойынша тиісті сот-медициналық сараптамалар тағайындалып, істің мән-жайын тергеудің жан-жақтылығын, толықтығын және объективтілігін қамтамасыз ету үшін қажетті тергеу әрекеттері жүргізілуде.