Шығыс Қазақстанда шөп бағасы 2 есеге қымбаттаған

Қазақстандағы малшылар соңғы жылдардағы ең қиын қыс мезгіліне дайындалып жатқанда, елдің шығысында жағдай одан ары ушығып кетті.

Бұл туралы Orda.kz Астана телеарнасына сілтеме жасап хабарлады.

Облыста қазірдің өзінде 2 мың тонна шөп өртеніп кеткен. Құтқарушыларға күнделікті хабар түсіп жатады, бірақ олар барғанша ештеңе де қалмай жанып кетеді. Пішен өртенген сәттен бастап бірнеше минутта толық өртеніп кетеді.

– Қазірдің өзінде 48-ге жуық өрт тіркелді. Өрттің негізгі себептері - отқа ұқыпсыз қарау, - деді Шығыс Қазақстан облысы Төтенше жағдайлар департаменті бастығының орынбасары Дмитрий Титов.

Аймақта жем-шөп бағасы екі есеге қымбаттаған.

– Өткен жылы бір тонна шөпті 25 мың теңгеге сатып алуға болар еді, биыл жақсы шөптің тоннасы 50 мың теңге. Мен бес сиыр мен бұзау ұстаймын. Маған қысқа 10 тонна, ал бұзауларға 2-3 тонна шөп керек, санай беріңіз 500-600 мың кетеді, - деді фермер Нұрлан Әбдірахманов.

Ауыл тұрғындары шөп бағасының өсуін одан әрі өршіту үшін шөп қорасының өртеніп жатқанын жоққа шығармайды.

Қазақстанда жаздың құрғақ болуына байланысты бірқатар өңірлерде мал азығына қатысты күрделі қиындықтар туындады. Құрғақшылықтан ең көп зардап шеккен Қазақстанның батысы мен оңтүстігінде, ресми мәліметтер бойынша, мыңнан астам мал қырылған. Ал малшылардың айтуынша, бес мыңдай мал аштан өлген.