Шығыс Қазақстан облысында 25 жастағы жігіттің мәйіті табылды

Өскеменде көпқабатты үйдің астынан тұрғындар ер адамның мәйітін тауып алды.

Бұл туралы Orda.kz хабарлайды.

– Марқұмның жеке басы анықталды – бұл облыс орталығының 1996 жылы туған тұрғыны, - деп хабарлады облыстың полиция департаментінің баспасөз қызметі.

30 қазан күні Потанин көшесіндегі көпқабатты 18-ші үйдің жанынан 25 жастағы жігіттің мәйіті табылды. Аталған факті бойынша Өскемен қаласының Үлбі полиция бөлімі 1-бап бойынша сотқа дейінгі тергеу амалдарын бастады. («Өз-өзіне қол жұмсауға дейін апару»).

Шығыс Қазақстан облысы әкімдігінің баспасөз қызметінің мәліметінше, қазіргі уақытта қылмыстық іс бойынша тиісті сот-медициналық сараптамалар тағайындалып, қажетті тергеу әрекеттері жүргізілуде.