Шудан Алматыға 12 келі марихуана әкетпек болған

Шу стансасында пойыз жүрердің адында үлкен сөмке арқалаған ер адам ұсталды.

Алматы облысының тұрғыны марихуананы пойызбен Алматыға жеткізмек болған. Бірақ ол кетіп үлгермеді. Шу стансасында 30 жастағы ер адам ұсталды. Біртүрлі иісі бар жүкті қызметтік ит тапқан.

— Тыйым салынған затты Шу стансасында теміржол вокзалының перронынан іздеуші ит тапты. Алматы облысының 30 жастағы тұрғыны ұсталып, одан сөмкесінен жалпы салмағы 12 келі 480 грамм «марихуана» есірткі заты табылып, тәркіленді. Аталған факті бойынша Көліктегі полиция басқармасының қызметкерлері 1-бап бойынша сотқа дейінгі тергеу амалдарын бастады. Қазақстан Республикасы Қылмыстық кодексінің 296-бабының 4-бөлігі (Есірткі заттарды аса ірі мөлшерде заңсыз сақтау) бойынша қылмыстық іс қозғалды, - деді Көліктегі полиция басқармасының бастығы Бақытжан Малыбаев.

Есірткі тасымалдаушы полицияға Шу өңірінің құмында жабайы өсетін кендірді жинауға Шу қаласына келгенін мойындады. Ол жүкті Алматыға теміржол арқылы жеткізуді жоспарлаған. Ол Жамбыл облысы ІІД Шу ауданының уақытша ұстау изоляторына қамалды. Қазір тергеу амалдары жүргізілуде.