Швейцария Өзбекстанға Гүлнәр Карімованың 182 млн доллар активін қайтарады

Өзбекстан мен Швейцария Гүлнәра Карімованың 182 миллион доллар активін қайтару туралы жаңа келісімге қол қойды, деп хабарлайды Orda.kz.

gazeta.uz мәліметіне сүйенсек, 182 миллион доллар Швейцария тарапынан БҰҰ-ның  Uzbekistan Vision 2030 көпсеріктестік трасттық қоры арқылы өзбек халқына қайтарылады. Бұл қаражат алдағы уақытта әлеуметтік маңызы бар жобаларға жұмсалады.

«Қаражат Өзбекстанның жекелеген азаматтары тарапынан заңсыз жолмен алынған және 2012 жылы Швейцарияның Бас прокуратурасы Гүлнәр Кәрімоваға қатысты қылмыстық іс аясында толығымен тәркіленген», деп мәлімдеді әділет министрлігі.