Швециялық саясаткер тағы да Құран кітабын өртеп жіберді

Швециялық саясаткер Расмус Палудан тағы да Құранды өртеді.

Бұл жолы ол Ресейдің Даниядағы елшілігінің алдында акция ұйымдастырып, шешен тектес швед UFC спортшысы Хамзат Чимаев пен Шешенстан басшысы Рамзан Қадыровқа қарсы наразылығын білдірді.

Расмус Палудан бейнежазбаны әлеуметтік желідегі парақшасында жариялады.

Айта кетейік, Палудан Түркия елшілігінің алдында Құранды өртеп жібергеннен кейін Қадыров оны «шайтан», ал Чимаев «террорист» деп атады.