Швециядағы әлем чемпионатында парашаңғышы Ербол Хамитов қола жүлдегер атанды

Ербол Хамитов парабиатлоннан 7,5 шақырым қашықтықты 25:07,3 секундта бағындырып, әлем чемпионатында қола жүлдені жеңіп алды, деп хабарлайды «Мүмкіндігі шектеулі жандарды спорттық даярлау орталығы».

Жарыста канадалық Кэмерон Коллин 24:14,3 секундта бірінші орынды иеленсе, АҚШ-тық Аарон Пикет 24:54,4 секундта екінші орынды иеленді.

Қазақстан құрамасының құрамында 7 спортшы бар: Александр Герлиц, Ербол Хамитов, Денис Петренко, Сергей Усольцев, Юрий Березин, Денис Зинов және Нұрлан Әлімов.

Швецияның Эстерсунд қаласында шаңғы мен парабиатлоннан әлем чемпионаты өтуде. Жарысқа әлемнің 18 елінен 102 спортшы қатысуда. Чемпионат 29 қаңтарға дейін жалғасады.