Швециядан Қазақстанға келетін есірткі

2024 жылғы 25 шілдеде Астана қаласының мамандандырылған ауданаралық қылмыстық сотында халықаралық наркотик тасымалдау схемасына қатысқан азаматқа үкім шығарылды.

Бұл туралы көлік прокуратурасы хабарлады.

Сотталған азамат Швециядан 479 грамм гашиш жеткізіп отырған. Оны құжаттарға арналған қорапқа жасырып өткізген. Сотта мемлекеттік айыптаушы  дәлелдер ұсынды. Құқық қорғау органдарының жедел әрекетінің арқасында 500 дозадан астам наркотиктің таралуының алдын алуға мүмкіндік туды.

Сот процесі қазылар алқасының қатысуымен өтті, олар бірауыздан айыпталушыны кінәлі деп таныды. Сот оны 18 жылға бас бостандығынан айыру жазасына кесті.

Үкім әлі заңды күшіне енген жоқ.