Швецияда Құранды өртеуге қарсы наразылық акциясы өтті

Швецияның Оребро қаласында даниялық оңшыл радикал саясаткер, «Жесткий курс» партиясының жетекшісі Расмус Палуданның осы жерде Құранды өртеуді ұйымдастыру ниетіне байланысты жаппай наразылық өтті.

Euronews.com хабарлауынша, наразылық тәртіпсіздіктерге және полиция қызметкерлерімен қақтығысқа ұласты. Салдарынан тоғыз адам жараланып, бірнеше полиция көлігі өртенді.

«Адамдардың зорлық-зомбылық пен вандализмге жүгініп, орынсыз әрекет етуі қайғылы. Болған оқиға өте қайғылы. Бұл қалалық полицияның конституциялық құқықтарды қорғау қабілетіне әсер етті» деді полиция бастығының орынбасары Фредрик Беккер.

Полиция мұсылмандар үшін қасиетті кітапты жағу жоспарланған митингі өткізу келісіміне келгенін және ол ел заңнамасын бұзбайтынын хабарлады. Бұл ретте митингі жоспарланған ауданның тұрғындары, оның ішінде көптеген мигранттар оның өтуіне тосқауыл қоюды көздеп отыр.