«Шұңқырға құлаған бала»: Шымкентте Қаратау ауданының әкімі қызметінен қуылды

cover Фото: Бейнеден кадр

Шымкент қаласының Қаратау ауданының әкімі Рахманбек Мүлкеманов қызметінен босады, деп хабарлайды Orda.kz.

Аудан әкімінің жұмыстан кетуіне қараусыз қалған шұңқырға құлаған баланың өлімі себеп болды. Аудан әкімін қала әкімінің өзі лауазымынан босатты. 

«Аудан әкімі қызметтен босатылды. Энергетика басқармасының басшысы қатаң сөгіс алды, осы салаға жетекшілік ететін әкімнің орынбасары да сөгіс алды», – деді Шымкент әкімдігінің ресми өкілі Сәрсен Құранбек.

Қаратау ауданының әкімі лауазымына Алмас Абаев тағайындалды. Абаевтың кандидатурасын Шымкент қаласының әкімі Ғабит Сыздықбеков ұсынды. Бұған дейін Алмас Абаев Шымкент әкімдігінің мемлекеттік сатып алу басқармасын басқарған.

Еске салайық, 12 сәуір күні Шымкентте Тұран-1 шағын ауданында 1-сынып оқушысы су толы құрылыс орнындағы қоршалмаған шұңқырға құлап мерт болды. Жергілікті тұрғындардың айтуынша, шұңқырдың ашық жатқанына біраз болған. Уақыт өте келе шұңқыр ағынды суға толып кеткен. 


Жаңалықтар

барлық жаңалықтар