Шухрат Данбайға қатысты тергеу расталды

Қаржылық бақылау агенттігі Атырау мұнай өңдеу зауытының бұрынғы бас директоры Шухрат Данбайға қатысты тергеу жүргізілгенін растады.

«Қаржылық бақылау агенттігінің  Атырау облысы бойынша аумақтық департаменті «Атырау мұнай өңдеу зауыты» ЖШС бұрынғы бас директоры Шухрат Данбайға қатысты Атырау мұнай өңдеу зауытының қажеттіліктері үшін алынған құрал-жабдықтарды сотқа дейінгі тергеп-тексеруде» делінген Қаржылық бақылау агенттігінің  Telegram арнасындағы хабарламасында.

Ведомствоның атап өтуінше, тергеу жүріп жатыр, тергеу мүддесіне сай басқа да мәліметтер жария етілмейді.

Бұған дейін БАҚ Шухрат Данбайды Алматыда Қаржы мониторингі агенттігінің қызметкерлері ұстағанын хабарлаған болатын.

Шухрат Данбай 2019 жылдың ақпанынан 2021 жылдың шілдесіне дейін Атырау мұнай өңдеу зауытын басқарды.

2021 жылдың 10 шілдесінде ел президенті Қасым-Жомарт Тоқаев қазақстандық мұнай өңдеу зауыттарының жұмысында ақшаны жылыстатуға қатысты көлеңкелі істер  көп екенін айтты. Сонымен қатар, ол үкіметке «Самұрық-Қазына» қорымен бірлесіп, Атырау мұнай өңдеу зауытының жоспардан тыс тоқтап қалуына байланысты жағдайға кінәлілерді жазалау шараларын қабылдауды тапсырды.

«Бұл жерде, қарапайым  тілмен айтқанда, көп нәрсе дұрыс емес»  деген еді Мемлекет басшысы.

15 шілдеде Шухрат Данбайдың Атырау мұнай өңдеу зауытының бас директоры қызметінен босатылғаны белгілі болды.

Бұған дейін Павлодар мұнай-химия зауытының бас директоры Оспанбек Әлсейітовтің қамауға алынғаны туралы хабарланған болатын.