Шри-Ланкада 16 жастағы қазақстандық азамат өмірден озды

Сыртқы істер министрлігі 16 жастағы қазақстандықтың қайтыс болғанын растады, деп хабарлайды Orda.kz порталы.

Сыртқы істер министрлігінің өкілі Айбек Смадияровтың сөзіне сүйенсек, 11 наурыз күні Шри-Ланкадан Қазақстан азаматы кәмелетке толмаған ұлының ауыр халде ауруханада жатқанын айтып, хабарласқан.

«Жағдайды анықтаған кезде оның 5 наурызда суға құлап кеткенін анықтадық, ол құтқарылған. Бірақ 10 наурызға дейін ол ауруханада болды. Дәрігерлер оның өмірі үшін күресті. Өкінішке қарай, 10 наурызда бұл жігіт қайтыс болды. Қазір туыстарына көмек көрсетіп жатырмыз. Консул баланың туыстарымен, ата-анасымен байланыста», - деді ол брифингте.