ШҚО тағы бір өрт: тауда тұтанған құрғақ шөпті тікұшақпен сөндіруде

Ұлан ауданындағы Асу-Бұлақ орман шаруашылығы аумағында құрғаған шөп пен бұталар өртенді.

Шығыс Қазақстан облысы Төтенше жағдайлар департаменті баспасөз қызметінің хабарлауынша, таулы аймақтардағы өртті жоюға тікұшақтар таптырмас көмек көрсетуде. Ұшақтар қазірдің өзінде су төгу бойынша 120 рейс жасады.

«Қазавиаорманқорғаудың  МИ-2 тікұшағы өрт орнында аэробағамдау ұшуын жүзеге асыруда. Қазіргі уақытта ашық өрт жоқ,  кей жерлерде бықсыған түтін бар» деп мәлімдеді  министрлік.

Еске салайық, 17 маусымда Катонқарағай ауданында, Катонқарағай ұлттық табиғи паркінің Ақсу филиалы аумағындағы (орман шаруашылығы) таулы аймақта да өрт шыққан болатын. Ол кезде де өрт қураған шөптер мен бұталардың жануыан басталған.

Өртті сөндіруге «Қазавиаорманқорғау» мекемесінің қызметкерлері, орманшылар, жергілікті атқарушы орган қызметкерлері, Шығыс Қазақстан облысы Төтенше жағдайлар департаментінің өрт сөндірушілері қатысты.