ШҚО-да 5 жасар қызды зорлады деген күдікті ұсталды

Шығыс Қазақстан облысында бес жасар қызды зорлады деген күдікпен ер адам ұсталды.

Глубокое ауданының тұрғындары дабыл қақты. Тұрғындардың айтуынша, күдікті күндіз қызды қорлап, кейін Глубокое ауданының Кожохово ауылында жасырынуға тырысқан.

Тұрғындар ақпаратты әлеуметтік желілер арқылы тарата бастады. Елді мекендерге кіре берісте полиция патрулі қойылған. Ер адам ұсталып, уақытша ұстау изоляторына қамалды.

«Аталған факті бойынша қылмыстық құқық бұзушылық жасаған адам ұсталып, уақытша ұстау изоляторына қамалды. Сотқа дейінгі тергеу шеңберінде қажетті тергеу әрекеттері жүргізіледі. Сот сараптамалары тағайындалды» деп хабарлады полицейлер.