Шотландиялық компания делдал арқылы пара бергенін мойындады

Шотландиядан келген WGPSN (Wood Group) компаниясы Қазақстанда мұнай-газ байланыстарын қамтамасыз ету үшін unaoil делдалдық компаниясы арқылы пара бергенін мойындады, деп хабарлайды Orda.kz Scottishlegal заң порталына сілтеме жасап.

WGPSN өзінің еншілес компанияларының бірі – PSNA Limited, Қазақстанда келісімшарттарды қамтамасыз ету үшін Unaoil жүргізген төлемдерден пайда алғанын мойындады.

Unaoil - «Таяу Шығыстағы, Орталық Азия мен Африкадағы энергетикалық секторға арналған өнеркәсіптік шешімдерді» ұсынатын Монако компаниясы. 2019 жылғы қазанда бұрынғы Unaoil бас директоры және бас операциялық директоры Сайрус пен Саман Ахсани көптеген елдерде, соның ішінде Қазақстанда шетелдік лауазымды тұлғаларды тарта отырып, сыбайлас жемқорлыққа қатысатынын мойындады.

— Unaoil төлемдері Қазақстандағы жер үсті және теңіз мұнай – газ, химия және мұнай-химия нысандарын пайдалану және оларға техникалық қызмет көрсету жөніндегі қызметтерді ұсынуға арналған үш тендерге байланысты жүргізілді, олардың екеуі табысты болды, - деп хабарлайды Scottishlegal.

Келісім-шарттар 2008 және 2010 жылдары PSNA Limited қатысуымен бірлескен кәсіпорынмен жасалды. Төлемдер 2012 жылдан бастап 2015 жылдың тамызына дейін жүргізілді, осы уақыт ішінде бірлескен кәсіпорын Unaoil-ге жалпы алғанда 1,36 млрд теңге төледі.

WGPSN тергеумен бірге жұмыс істеді және екі келісімшарт бойынша дивидендтер мен бөлінбеген пайда болып табылатын 6,465 миллион фунт стерлинг төлеуге келісті. Қаражат Шотландияның шоғырландырылған қорына аударылады.