Шорт-тректен Қазақстан құрамасы Әлем кубогының күміс жүлдегері атанды

Бұл соңғы бес жылдағы Қазақстан командасы үшін осындай жарыстардың алғашқы медалі.

Канаданың Монреаль қаласында шорт-тректен әлем чемпионаты өтті. 5000 метрге эстафеталық жарыста Оңтүстік Корея спортшысы мәреге бірінші жетті. Итальяндық екінші келді, бірақ ол тәртіп бұзды, соның салдарынан қазақстандық спортшы Денис Никиша соңғы айналымда құлады. Осыған байланысты Италия құрамасы жарыстан шеттетіліп, қазақстандықтар күміске қол жеткізді.

«Бұл медаль біз үшін өте маңызды, өйткені ерлер арасындағы эстафетадағы алдыңғы жүлдені 2017 жылы ШҚМ-да біздің команда жеңіп алған болатын. Енді, міне, бес жылдан кейін біздің спортшылар өз мақсатына жетіп, нағыз үйлесімді жұмысты көрсете білді» делінген Қазақстан сырғанау одағының Instagram желісіндегі ресми парақшасында.