Шопандарды іздеймін деп, өздерін үсік шалды

Абай облысында шопандарды іздеуге шыққан полицейлерді үсік шалды, деп хабарлайды Orda.kz порталы.

Оқиға 22 ақпан күні түнде болған. Қатты аяз салдарынан екі шопан кешкілік уақытта қыстақтан Суықбұлақ ауылына жолға шыққан. Жолда трактордың жанармайы қатып қалғандықтан тракторшылар кері қайтуға тырысып, кейін адасып кетті. 

Кей жерлерде байланыстың жоқтығы әрі телефон қуат көзінің таусылуы кедергі келтірсе де, олар шұғыл қызметтерге қоңырау шалып үлгеріп, учаскелік полиция инспекторлары трактор ізіне түсіп жоғалғандарға іздеу салған.

«Екі полиция қызметкері Нива автокөлігімен даланы аралап жүріп, өздері қар құрсауында қалып қойды. Олар көлікті тастап, іздеуді жалғастырған. Сол уақыттағы ауа температурасы -39-ды көрсеткен еді. Өздерін үсік шалса да, өз өмірін қатерге тіккен полицейлер 2 шақырым жүргеннен кейін тракторшыларды тапты» делінген хабарламада.