Шольц қатысқан кеште бірнеше қыздың сусынына есірткі қосылған — БАҚ

Германия канцлері Олаф Шольц қатысқан жеке кеште кем дегенде сегіз қыз есірткі қосылған  сусын ішіп алған.

Бұл туралы неміс социал-демократиялық партиясының кейбір өкілдерінен алынған ақпаратқа сілтеме жасай отырып, немістің Tagesschau порталы хабарлайды.

Полицияның мәліметінше, оқиға 6 шілде күні кешке Берлин канцеляриясындағы типті шатырда мыңға жуық қонақтың қатысуымен өткен мерекелік шарада болған. Қатысушылар арасында Германия канцлері Олаф Шольц те болған.

Тәртіп сақшыларының айтуынша, шілденің 7-сі күні таңға қарай бес зардап шегуші тіркелген, қазіргі уақытта қаскүнемдерді іздеу жұмыстары жүргізілуде. Бір қызығы, фестивальге канцлердің өзінен басқа ГФР-нің басқа да жоғары лауазымды тұлғалары  қатысқан.

Тергеу мәліметтері бойынша, қыздардың бірі мерекелік шараға қатысқаннан кейін әлсіздікке, бас айналуына және есте сақтау қабілетінің жоғалуына шағымданған.

Ол кеште  ішімдік ішпеген. Іс-шараның соңында ол ауырып қалады, ал келесі күні таңертең өткен күнді мүлдем есіне түсіре алмаған. Токсикологиялық сараптама жүргізілді, бірақ әлі нәтиже жоқ.

Неміс канцлерінің өзі бұл оқиғаға әлі түсініктеме берген жоқ, бірақ егер бұл  жанжал көтерілсе,  Шольцтің онсыз да тұрақсыз жағдайын қиындатуы әбден мүмкін.

Бұған дейін Германия тұрғындары канцлерді Ұлыбритания премьер-министрі Борис Джонсоннан үлгі алуға және отставкаға кетуге шақырған болатын. «Ресей газды «қару» ретінде пайдаланып жатыр  деген сөзінен кейін жұртшылық Шольцты қызметінен алуды талап ете бастады.