Шоқан Уәлихановтың мүсіні қоқыстан табылды
![cover](/uploads/posts/2024-02/sizes/1440x810/65c86ecf62bdf692289202.webp)
Көкшетауда ұлы ғалым Шоқан Уәлихановтың ескерткіші қоқыстан табылды, деп хабарлайды Orda.kz порталы.
Қаланың шеткі аймақтарының бірінде қоқыс үйінділерінің арасынан табылған бұл ескерткіш халық арасында резонанс тудырып, көпшіліктің назарын аударды.
Бюсті тауып алған Аслан Төлегенов бұл туралы әлеуметтік желідегі өзінің парақшасына жариялады. Оның айтуынша бюсті лас көрпеге орап, сыртын сыммен байлап тастаған.
«Қала ішінде Хасенов гараждарында қоқыстар арасында ескерткіш жатқаны туралы сыбыс желдей ескен еді. Соны анықтап білейін деп арнайы барғанмын. Ескерткіш-бюст патшалық Ресей кезіндегі формамен тұрған Шоқан Уәлихановтың ескерткіші болып шықты. Бұрын оның қайда болғаны маған белгісіз. Қандай себеппен осында тасталғаны, неліктен ескі жарылған көлік дөңгелектерінің астында жатқанын біз анықтауға тиіспіз. Ескерткішті суға батқан адам тәрізді ескі жырым-жырым болған көрпемен орап, сыммен сыртынан байлап тастаған. Ескерткіш қоқыстың арасында жатыр», - дейді ол.
Халық Уәлихановтың бюсті қоқыста жатқанына наразылық танытты.
«Осылай тарих та ұмытылады. Содан кейін ешкімге белгісіз жаңасы пайда болады. Ал оқымаған жас балалар жаңа Тиктокта түсірілген үзіп-жұлынған мәтінді миына құяды», «Өз тарихын білмейтін және құрметтемейтіндердің болашағы болмайды», «Тарихты бұлай қорлауға болмайды. Бұл біздің ата-бабаларымыз, олар туралы естеліктерді сақтауымыз керек», «Қазақ халқының ұлы тұлғасы ғой. Бұл қалай болғаны?» деп жазды желі қолданушылары.
Шоқан Уәлиханов атындағы университет басшылығы да бұл жағдайға қатысты түсініктеме берді.
«Аталған бюст университетке тиесілі емес екенін хабарлаймыз. Біз оның қоқыс арасында қайдан тап болғаны туралы ақпаратымыз жоқ. Қазіргі уақытта университет бюсті университетке алдыру бойынша барлық қадамдарды жасап жатыр. Біз қазақтың ұлы зерттеушісі Шоқан Уәлихановтың мүсіні қоқыс арасында жатуына жол берілмеуі тиіс деп санаймыз», - деді Шоқан Уәлиханов атындағы Көкшетау университетінің басшылығы.
Ақмола облысының мәдениет басқармасы басшылығы бұл бюст жеке коллекция жүргізген Мейрам Қойшыбаев деген адамға тиесілі екенін жеткізіп, ресми жауабын ұсынды.
«Қалалық әлеуметтік пабликтерде Шоқан Уәлиханов мүсінінің тиісті түрде сақталмағаны туралы ақпарат тарады. Алайда аталған ақпарат шындыққа жанаспайды. Өйткені аталған бюст суретші Мейрам Қойшыбаевтың жеке коллекциясында болған. Мүсінші қайтыс болғаннан кейін бюсті оның жақындары жекеменшік аумаққа апарған», - дейді Ақмола облысының мәдениет басқармасы.
Ұлы ғалымның мүсіні енді қайда қойылатыны беймәлім.
Жаңалықтар
- Париж Олимпиадасында ел туын желбіреткен Қазақстан құрамасы
- Парижде ХХХІІІ Жазғы Олимпиада ойындарының ашылу салтанаты өтті
- «Ішіндегі іріңмен бір ай жүрген марқұм»: Полиция кінәлі дәрігерлерді ұстамады
- «Халық қаржысын гүлге шашты»: Екібастұз қаласы 2,5 млн теңгені гүл жеткізу қызметіне бермек
- Жасанды интеллектпен жанданған ескі фотолар
- Халықаралық банк еліміздің су жүйесін қаржыландырмақ
- «Қызымның жыныс мүшесіне тиісті»: Зорлықшы әке 20 жылға сотталды
- «LEGO» балалардың денсаулығына үлкен қауіп төндіреді
- Қазақстандықтар рубльден құтылып жатыр
- Абай облысы жылу орталығының 64,2 пайызы тозып кеткен
- Дана Әтешоваға қарсы сот ісі
- «Ғылым академиясы мен Саясат Нұрбектің тартысы»: Назарбаев академик атағынан айырылды ма?
- Шымкентте жаңа мәдениет сарайы бой көтермек
- Енді кез-келген балағат сөзге жаза бар
- Ресейде қазақтың батыр қызы Әлияның есімімен аталған мешіт ашылды
- «Израиль мен Палестина»: 39 мың адам қаза болған соғысқа АҚШ араласа ма?
- 260 мыңдай қайтыс болған адамдардың ақшасы мұрагерсіз тұр
- Тұтынушылар шағымы өсіп келеді
- «Жер дауы»: Аңшылыққа пайдаланған 212 мың гектар жер мемлекетке қайтарылды
- «Ел намысын қорғайтын былғары қолғап шеберлері»: Қазақстан қарсыластары кімдер?