Шойгу: Ауғанстан содырларының ықтимал шабуылына дайындалу керек

Талибан қазірдің өзінде Ауғанстанның Өзбекстанмен және Тәжікстанмен шекарасын бақылауда. Ұжымдық қауіпсіздік туралы шарт ұйымы (бұдан әрі ҰҚШҰ) террористердің ықтимал енуіне дайын болуы керек. Бұл туралы Ресей Федерациясының Қорғаныс министрі Сергей Шойгу «Территория смыслов» жастар форумында айтты.

Бұл туралы Orda.kz РИА Новостиге сілтеме жасап хабарлады.

– Ауғанстаннан бұрын келген қауіптер - бұл есірткі саудасы, террористтердің Тәжікстан, Қырғызстан, Өзбекстан арқылы біздің елге енуі азаймайды, - деді Ресей Қорғаныс министрі.

Оның айтуынша, Ресей үшін Ұжымдық қауіпсіздік туралы шарт ұйымындағы одақтастары (Армения, Беларусь, Қазақстан, Қырғызстан, Тәжікстан және Өзбекстан) бұл қозғалыстың кепілдіктеріне қарамастан, тәліптердің ықтимал арандатушылықтарына тойтарыс беруге дайын болуы маңызды.

– Өзбекстан, Тәжікстан және Қырғызстан, Қазақстан офицерлерінің көпшілігі біздің жоғары оқу орындарында білім алады. Біз сондай-ақ Тәжікстан, Қырғызстан армиясын дамытумен айналысамыз, - деді Шойгу.

Соңғы жаттығуларда Ресей, Тәжікстан мен Өзбекстан Ауғанстанмен шекарада әскер мен қарудың дайындығын тексеріп, осал тұстарын анықтады.

Талибан қозғалысы Ауғанстандағы жерлерді жаулап алуда. Кеше олар ТМД елдерінің шекарасында орналасқан үш провинцияны бірден басып алғанын хабарлады.

Үкімет күштері мен содырлар арасындағы текетірес бір жылдан астам уақыт бойы жалғасып келеді. Бірақ соңғы айларда, американдық әскерлер шығарыла бастағаннан кейін, талибтер ауылдық және шекаралық аудандардағы маңызды аумақтарды басып алды.