ШҚО шенеуніктері 1,4 млрд-қа заңсыз қызметтерді сатып алды

ШҚО прокуратура органдары төтенше жағдай салдарынан мемлекеттік сатып алу шарттарын жасасудың заңдылығын талдады, деп хабарлады Orda.kz ШҚО прокуратурасына сілтеме жасап.

Талдау нәтижесінде 1,4 млрд теңге сомасына заңсыз жасалған 78 келісімшарт анықталды.  Шарт жасау кезеңінде төтенше жағдай шарт жасасуға негіз болмағаны анықталды.

Атап айтқанда, ЖАО осындай шартпен қар шығару, әкімшілік ғимараттарды жөндеу, мұздан тазартатын реагенттер және т.б. тауарларды, жұмыстарды және қызметтерді сатып алды.

Қолданыстағы заңнамада көзделмеген жағдайларда тікелей шарт жасасу арқылы мемлекеттік сатып алуды жүзеге асырғаны үшін лауазымды адамдар әкімшілік жауапкершілікке тартылды. 

Бүгінгі күнге дейін шенеуніктер 14 млн теңге көлемінде айыппұл төледі.