ШҚО-ның жаңа әкімі тағайындалды

Ермек Көшербаевтың қызметінен босатылуына байланысты Шығыс Қазақстан облысының әкімі болып Нұрымбет Сақтағанов тағайындалды, деп хабарлайды Orda.kz.

Бұл туралы Ақорда хабарлады.

«Нұрымбет Аманұлы Сақтағанов Шығыс Қазақстан облысының әкімі лауазымына тағайындалсын» деп жазылған Жарлықта.

Мансабын мұғалім болып бастаған, кейін әртүрлі өңірлердің әкімдіктерінде жұмыс істеген. ШҚО әкімінің орынбасары қызметінде саяси салмағы зор Даниал Ахметов пен Қызылорда облысының әкімі Нұрлыбек Нәлібаевтың сенімді серігі болды.

Жаңа тағайындауға дейін ШҚО әкімінің бірінші орынбасары қызметін атқарды. Ал оның алдындағы Ермек Көшербаев, еске салсақ, вице-премьер болып тағайындалған еді.

Көшербаев қызметінен өңірдегі экологиялық мәселелер аясында кеткен.