ШҚО-дағы ең ұзын көпірге қанша камера орнатылған?

Шығыс Қазақстан облысында Бұқтырма су қоймасы арқылы өтетін ең ұзын көпір ашылды, деп хабарлайды Orda.kz. 

Көлік министрлігінің мәліметінше, көпірде 102 камера орнатылған. Камераның 62-сі көпірдің үстінде және 40-ы астында, олар нақты уақыт режимінде жұмыс істейді.

Алғашқы 24 сағат ішінде көпірден 1,5 мыңнан аса көлік өткен.

Ашылған көпірдің ұзындығы 1316 метр, ол тәулігіне 80 мың көлікті өткізуге қауқарлы. Көпір Шығыс Қазақстан облысының Күршім, Үлкен Нарын, Марқакөл, Қатонқарағай, Тарбағатай және Зайсан сынды алты ауданын байланыстырады.