ШҚО-да сарбаз өзін-өзі атып, суицид жасады

2005 жылы туған қатардағы сарбаз 7 қараша күні кешкі сағат бестер шамасында АК-47 қаруынан өз басына оқ атқан, деп хабарлайды Orda.kz.

19 жастағы сарбаз Түркістан тумасы, ол Зайсан бекетінде Ұлттық қауіпсіздік комитеті шекара әскерлерінде қызмет еткен. Оқиға орнында қоштасу хаты табылмаған.

Сарбаздың басынан оқ жарақаты табылғанымен, өлім себебі ретінде «механикалық асфиксия» көрсетілген. Қазіргі таңда тергеу жүріп жатыр.

«7 қарашада Шығыс Қазақстан облысы бойынша шекара қызметі департаментінде мерзімді әскери қызмет атқаратын сарбаз қайтыс болды. Алдын ала дерекке сәйкес, өлім себебі — суицид деп болжануда. Полиция Қазақстан Республикасы Қылмыстық кодексінің 105-бабының 1-бөлігі (өзін-өзі өлтіруге итермелеу) бойынша сотқа дейінгі тергеу басталды», — деп хабарлады ҰҚК баспасөз қызметі.