ШҚО-да қор басшысы мүгедектерден 115 млн теңге жымқырды

Шығыс Қазақстан облысында «Шығыс» корпоративтік қорының басшысы бюджеттен мүгедек жандарға бөлінген 115 млн теңгені жымқырды деген күдікке ілінді, деп хабарлайды Orda.kz.

Тергеу мәліметтері бойынша, ол есту қабілеті нашар адамдарды қажетті қызметпен қамтамасыз етуге арналған ақшаны иемденген.

«Мүгедектерге ымдау тілі мамандары көрсеткен қызметтердің ақшасын өзінің банктегі шотына аудару арқылы иемденді деген күдік тағылды» деп мәлімдеді Антикор.

Қылмыстық іс бойынша тергеу жалғасуда.