ШҚО-да ауыл әкімі полицияның көзінше тұрғындарға балағат сөз айтты

Әлеуметтік желіде Шығыс Қазақстан облысында ауыл әкімі тұрғындарға балағат сөз айтып жатқан сәттің бейнежазбасы тарап кетті, деп хабарлайды Orda.kz.

Зайсан ауданы Шілікті ауылдық округінің әкімі Қуаныш Төлеухан жергілікті тұрғындармен сөзге келіп келіп, жанжалдасқан сәті әлеуметтік желілерде тарады.

Бейнежазбада ауыл тұрғындары әкімнің қабылдауына келіп, оның жұмысына қатысты сұрақтар қойған. Ауыл әкімне бұл сұрақтар ұнамаған болуы керек, екі тарап арасында дау шығып, шенеунік өзін ұстай алмай, бейәдеп сөздер айтып, агрессия танытты.

Бір қызығы тарап кеткен бейнежазбада полиция қызметкері де бар. Әйел адамның полицияға қарап: «неге еш шара қолданбайсың?» деген сұрағына тәртіп сақшысы жауап қатпай, үнсіз тұр. 

Шығыс Қазақстан облысы әкімдігі бұл жағдайға қатысты Қуаныш Төлеуханнан ресми түсініктеме сұратылғанын хабарлады. Материалдар Мемлекеттік қызмет істері агенттігінің Әдеп жөніндегі кеңесіне жолданыпты. Айта кетейік, Қуаныш Төлеухан ауыл әкімі қызметіне биыл 24 шілдеде тағайындалған, яғни оның қызметте отырғанына үш ай толмаған.