ШҚО әкімі зауыттарды тоқтатпайтынын айтты

ШҚО әкімі Ермек Көшербаев экологияға кері әсер беретін зауыттарды жаппайтынын, алайда олардан 3,5 млрд теңге айыппұл өндіріп алғанын айтты, деп хабарлайды Orda.kz.

Орталық коммуникациялар пресс-конференциясында әкім бұл мәселенің бір күнде немесе бірден жүйелі түрде шешілмейтінін жеткізді.

Бұл еліміз үшін өте маңызды кәсіпорындар, сондықтан да зауыттарды тоқтату мүмкін емес. Бұл зауыттар заманауи технологиялардың шегінде жұмыс істейді, әлемдегі барынша озық әдістерді қолданады. Бірақ зиянды бөлшектердің ауаға таралуын мүлдем болдырмау мүмкін емес, ондай технология әлі жоқ. Негізгі себеп – PM 2.5. Оларға жылу электр станциялары, жеке үйлер, автокөліктерден шыққан шаң бөлшектерінің қоспасы, күл, жану өнімдері  жатады. Мұның бәрі ауада жүреді. Ол Ертістің ылғалдылығымен араласқанда, тұрғындарға проблемалық жағдай туғызады. Бұл орынды наразылық. Біз осы қалада тұрғандықтан, кімнің қалай өмір сүретіні бізге бәрібір емес. Жергілікті бюджетке 3,5 млрд теңге айыппұл өндіріп жатырмыз», - деді әкім.

Көшербаев әкімдік айыппұлдардан жиналған қаражаттың бұрын қалай жұмсалғанын және олардың экологиялық мәселелерді шешкен-шешпегенін қайта тексеретінін және Шығыс Қазақстан облысының әкімі бұл бөлшектердің қалай тарайтынын ғылыми көзқарассыз анықтау мүмкін еместігін, өйткені қалада бар болғаны 10 тұрақты экологиялық бекет бар екенін атап өтті.

Тұрғындар ауаның лас екенін сезеді. Ал оларды өлшейтін портативті құрылғыларды жібереміз, бірақ олар дұрыс нәтиже көрсетпейді. Сондықтан алдымызда бюроның көмегімен қоршаған ортаның сапасын бақылау жүйесін құру міндеті тұр. Сонда негізсіз айыптай берген де болмайды», - деді Көшербаев. 

Айта кетейік 27 қараша күні Өскемен қаласының әкімі Жақсылық Омар қызметінен кеткенін мәлімдеген болатын.