Ширек ғасыр өнер көрсеткен «Орда» тобы тарайды

Ширек ғасыр бойы көрермен көзайымына айналған «Орда» тобы тыңдармандарымен қоштаспақ, деп хабарлайды orda.kz

Келесі жылы 25 жылдық мерейтойын атап өтетін бойсбэнд, соңғы концерттік турларына дайындық үстінде. Топ мерейтойға орай Павлодар, Петропавл, Көкшетау мен Астанада, ал қоштасу кешін Алматыда түйіндейтінін айтты. Сонымен қатар, қоштасу концерті 25 жыл бойы жүріп өткен өнер жолындағы өмір дастаны настольгиясымен ерекшеленеді.

 «Топтың құрылғанына келесі жылы ширек ғасыр болады, бұл дегеніміз өміріміздің жартысынан да көп. Сондықтан да, әрине, іште аздаған қимастық бар»,- дейді Дастан Оразбеков Revue News-ке берген сұхбатында 

«Орда» тобының шығармашылығы тоқтағанымен, топ мүшелері өнер жолдарын жеке әнші ретінде жалғастырады. Топ мүшелері Нұрлан  Әлімбеков Бішкекте «Елес» тобымен өнер көрсетіп жүр. Ерболат Беделхан өзінің продюсерлігімен, үлкен мегажобаларын  жалғастырады. Ал Есболат Беделхан киноға бет бұрған.