Жамбыл облысы, Шу ауданының 30 жастағы тұрғыны тоғыз жастағы екі жеткіншекті ұзақ уақыттан бері зорлап келген.

КТК телеарнасының мәліметінше, күдікті ұсталып, қамауға алынған. 43 жастағы жергілікті тұрғын баласы мен оның досының жыныстық сипатта зорлық көргенін айтып полицияға шағым түсірген.

– Полиция қызметкерлерімен жедел іздестіру шараларын жүргізгенде Шу ауданының 30 жастағы тұрғыны ұсталды. Аталған дерек бойынша ҚР ҚК 12-бабының 4-бөлігімен сотқа дейінгі тергеп-тексеру басталды. Шу ауданының соты күдіктіге қатысты қамауға алу бұлтартпау шарасын қолданды. Барлық сараптама тағайындалды, – деді Жамбыл облысы ПД баспасөз хатшысы Гүлсара Мұхтарқұлова.

Айта кетейік, арызда бұл сұмдық оқиға ауылдағы қараусыз тұрған ғимараттардың бірінде болғаны айтылған.

Бөлісіңіз: