Шілдеде қосымша демалыс күні болады

Шілдеде аптасына бес күн жұмыс істейтін қазақстандықтардың 22 жұмыс күні және тоғыз демалыс күні болады, деп хабарлайды Orda.kz.

6 шілдеде елімізде Астана күні атап өтіледі. Мереке жексенбіге түседі, сондықтан демалыс күні дүйсенбі - 7-не ауыстырылады.

Сонымен, аптасына бес күн жұмыс істейтін қазақстандықтардың 5-7 шілде аралығында үш демалыс күні болады.

Астана күні мегаполис астана мәртебесіне ие болған сәттен бастап жыл сайын атап өтіледі. Бұрын бұл мереке қалалық деңгейде 10 маусымда аталатын, ал 2006 жылдан бері қала күні 6 шілдеге ауыстырылды.