Шетелдіктердің елде тұруына рұқсат беру ережесі өзгертілді

ҚР Ішкі істер министрі 2021 жылдың 23 қыркүйегіндегі бұйрығымен шетелдіктерге және азаматтығы жоқ адамдарға Қазақстан Республикасында уақытша және тұрақты тұруға рұқсат беру ережесіне өзгерістер енгізді.

Бұл туралы Orda.kz хабарлады.

Енді мұндай рұқсатты «Азаматтарға арналған үкімет» мемлекеттік корпорациясы арқылы алуға болады:

Ол үшін келесі құжаттарды тапсыру қажет:

• тұрақты тұруға рұқсат алуға өтініш;
• өтініш берілген күні жарамдылық мерзімі 180 күнтізбелік күннен асатын ұлттық паспорттың, азаматтығы жоқ адамның құжатының көшірмесі мен түпнұсқасы. 16 жасқа толмаған баланың жеке басын куәландыратын туу туралы куәліктің көшірмесі мен түпнұсқасы. Өтінішпен бірге;
• оның азаматтығы бар мемлекеттің жазбаша келісімі;
• төлем қабілеттілігін растайтын құжат;
• сотталмағанын растайтын құжат;
• 14-18 жастағы баланың Қазақстанда тұрақты тұруға нотариалды куәландырылған келісімі;
• тұрақты не уақытша тіркеу;
• медициналық тексеруден өткені туралы анықтама;
• бір 35х45 мм сурет;
• басқа мемлекеттің азаматтығының жоқтығы немесе тоқтатылуы туралы анықтама;
• мемлекеттік баждың төленгенін немесе оны төлеуден босатылғанын растайтын құжат.

Мемлекеттік қызметтердің құны - 4 АЕК (2021 жылы 11 668 теңге).

Қызметті көрсету мерзімі - 45 күнтізбелік күн.

Бұйрық 2022 жылдың 1 қаңтарынан бастап күшіне енеді.