Шетелдіктер қос азаматтығы үшін елден шығарылды

Биылғы жылдың он айында көлік полицейлері Қазақстанның көші-қон заңнамасын бұзғаны 3022 шетелдікті жауапқа тартып, оның 977-сі ел аумағынан шығарылды,  деп хабарлайды Polisia.kz сайты.

Тәртіп бұзғандар ішінде 375 адам қос азаматтығы үшін жауапкершілікке тартылған. Алматы әуежайында полиция ҰҚК қызметкерлерімен бірге өзге елдің азаматтығын алып, Қазақстан азаматтығынан бас тартпаған 32 жастағы АҚШ азаматын анықтады. Сот әйелді елден шығарып, бес жыл мерзімге Қазақстанға кіруге тыйым салу туралы шешім шығарды.

Сондай-ақ оңтүстік астана әуежайында осыған ұқсас құқық бұзушылық жасаған үш Ресей азаматы ұсталды. Сот олардың екеуін елден шығару туралы шешім шығарса, үшіншісі 516 880 теңге көлемінде айыппұл салды.