Шетелдіктер Қазақстанда МӘМС есебінен тегін дәрі-дәрмек алып отырды

Емханалар шетелге қоныс аударған адамдарға тегін дәрі-дәрмек тағайындаған, деп хабарлайды Orda.kz.

Мемлекеттік аудиторлар қорды тексеру барысында шетелге тұрақты тұруға кеткен азаматтарға дәрі-дәрмектер тағайындалғанын анықтады.

Денсаулық сақтау министрлігі жоғары аудиторлық палатаның нұсқамасы бойынша ақпараттық жүйесін жетілдірді.

Бүгінде «Тіркелген халық» жүйесі азаматтарды шетелге тұрақты тұруға кеткен кезде автоматты түрде «жеке тұлғалар» базасынан мәлімет алады.

Денсаулық сақтау министрлігі қабылдаған шаралар нәтижесінде 24 қазаннан бастап осындай мәртебесі бар пациенттерге рецепт беру тоқтатылды.