Шетелдікке де лауазым беремін – Қырғызстан президенті кадр тапшылығы туралы

Ел Президенті кадрлардың, соның ішінде министрлік орындарына кадр тапшылығына шағымданды.

Садыр Жапаров елге қызмет етуге дайын адам болса, жат адамды, тіпті жауды да тағайындауға дайын. Мұндай мәлімдемені  Қырғызстан президенті сайлау округтерінің бірінде депутаттыққа кандидаттармен кездесуі кезінде айтты, деп жазады 24.kg. Кездесуде оған кадр саясаты туралы сұрақ қойылған.

«Министр бола алатын адамды іздеп жүрсің, таба алмайсың. Пара алады, ұрлайды, ауыстырайын десең оның орнына басқа адамды таба алмайсың. Кім жүргізе алады деп ойлайсың. Менімен бұрынғыдай болмайды. Бұрын – 100 мың доллар беріп, бес жыл министр болатын. Бізге 100 тиынның да керегі жоқ. Бізге мемлекеттік істерді алға жылжытатын адамдар керек», - деді Садыр Жапаров.

Елде кадр тапшылығы бар екенін айтқан қырғыз президенті, «мемлекеттік істерді жүргізіп, бізді алға шығаруға дайын кадрлар болса, жат болмақ түгілі, тіпті жау болсын, лауазым беремін» деп мәлімдеді.

Мысал ретінде мемлекет басшысы ОСК төрағасы Нұржан Шайлдабекованың ісін келтірді. Ол президент болған кезде оны ОСК басшысы ретінде қалдырғанын мойындады, өйткені ол жұмыс істеуді біледі екен.