Шетелдік көлік 27 жастағы ер адамның өмірін қиды

Атырау облысында 27 жастағы жұмысшы шетелдік көлікті жөндеу кезінде қаза тапты.

Бұл туралы Атырау облысының полиция департаменті хабарлады.

Жекеменшік техникалық жөндеу орталықтарының бірінде қайғылы оқиға болды. Шетелдік көлікті жөндеу кезінде 27 жастағы жұмысшы қаза тапты. Ер адамның өлімі туралы фактіні Атырау облысының полиция департаменті растады.

«Атырау қаласындағы мекемелердің бірінде жұмысшысының өлім фактісі бойынша қылмыстық іс тіркеліп, тергеу шаралары қолға алынды. Сотқа дейінгі медициналық сараптама тағайындалды», – деді Атырау облысы ПД баспасөз хатшысы Мейірім Ердәулет.