Шетелдік көліктерді заңдастыруға екі апта қалды - ҚР ІІМ

Бағдарлама барысында қазақстандықтар 161 мыңнан астам шетелдік автокөлікті заңдастырды.

Қазақстандық полицейлер шетелдік көліктердің иелеріне екі аптадан кейін елде көлікті заңдастыруға құқығы болмайтынын еске салады. Айта кетейік, бағдарлама ағымдағы жылдың 23 қаңтарынан бастады және 1 шілдеде аяқталады. Дегенмен, өтініш тапсырып қойғандарға заңдастыруды соңына дейін аяқтауға мүмкіндік беріледі.

«16 маусымдағы жағдай бойынша 161 мыңнан астам көлік заңдастырылған, тағы 13 мыңнан астамы тіркеуді күтіп тұр. Сондай-ақ, Қазақстанда 7 мыңға жуық дизайнерлік автокөлік тіркелді, біз оны заңдастыруды ағымдағы жылдың 22 мамырында бастадық. Өздеріңіз білесіздер, заңдастырудың аяқталуына екі апта қалды (яғни, 1 шілдеге дейін) және қазір көптеген азаматтар көліктерін заңдастыруға үлгермей қалуы мүмкін деп қауіптенуде. Осыған орай, ағымдағы жылдың 1 шілдесіне дейін өтініш берген барлық Қазақстан азаматтарына көрсетілген мерзімнен кейін автокөліктерін заңдастыру құқығы берілетінін хабарлаймын», - деді ҚР Министрлігінің ҚАП төрағасы Қайсар Сұлтанбаев.

Оның айтуынша, бұл Еуразиялық экономикалық одақ елдерінде бұрынғы тіркелген жері бойынша есептен шығарылмаған және осы себепті заңдастырылмаған көліктерге де қатысты, содан кейін бұл көліктердің иелеріне оларды Қазақстан Республикасында 5 жыл мерзімге уақытша есепке қою құқығы беріледі.

1 шілдеде заңдастыруға өтініштерді қабылдау тоқтатылады және ҚР ІІМ ескерткендей, мерзімді ұзарту қарастырылмаған. Ал шетелде тіркелген көліктерді тізгіндегендер қазірден бастап жазаланады.