Шетелдік инвесторларға Қазақстанның банк секторына кіру құқығы кеңейтіледі

Қазақстанда шетелдік еншілес банктердің несиелік белсенділігін арттыру және шетелдік инвесторлардың банк секторына кіруіне қойылатын талаптарды ырықтандыру жоспарлануда, деп хабарлады Қаржы нарығын реттеу және дамыту агенттігі (ҚНРДА).

«Бизнесті несиелендіруді ынталандыру үшін банктердің капитал, өтімділік және кепіл саясаты, сондай-ақ шетелдік еншілес банктердің несиелік белсенділігін арттыру бойынша жаңа пруденциалдық шаралар әзірленді. Шетелдік инвесторлардың банк секторына кіруіне қойылатын талаптарды ырықтандыру жоспарлануда» делінген ҚНРДА баяндамасында.

Ақпаратқа сәйкес, банктердің капитал, өтімділік және кепілдік саясаты бойынша жаңа пруденциалдық шаралар әзірленді.

Сондай-ақ ҚНРДА парламентке стреске ұшыраған активтерді цифрлық платформалар арқылы сату, халықтың борыштық жүктемесін азайту және барлық микрокредиттер бойынша бірыңғай мөлшерлеме белгілеу, коллекторлық қызметке талаптарды күшейту және қаржылық алаяқтықпен күресу туралы заң жобаларын ұсынды.

Жыл басынан бері қазақстандық банктердің активтері ҚНРДА мәліметтері бойынша 4,8%-ға немесе 46,7 трлн теңгеге дейін, экономиканы несиелендіру 11,5%-ға немесе 25,4 трлн теңгеге дейін өсті, оның ішінде ШОБ несиелері – 9%-ға немесе 6,6 трлн теңгеге дейін өсті.