Шетел азаматының 343 миллион теңгесін алаяқтық жолмен қолды еткен

Шетелдік  танысына Қазақстан аумағынан полиметалл кенінің сызбасын тауып беремін деп алдаған  38 жастағы шымкенттік алаяқтық жасады деген күдікпен қамауға алынды.

Бұл туралы Orda.kz.   Otyrar.kz.-ке сілтеме жасап хабарлады.

Бурятия Республикасының 63 жастағы тұрғыны 2021 жылдың 14 сәуірінде Қаратау аудандық полиция басқармасына  шағымданған.

— Ол өз арызында 2017-2019 жылдар аралығында өзінің танысы Қазақстан  аумағынан полиметалл кенінің сызбасын тауып беремін деп, сеніміне кіріп, алаяқтық жолмен 343 250 000 теңгесін алып, материалдық шығын келтіргенін жазған, - деп жазды басылым.

Қаратау аудандық полиция басқармасы Криминалдық полиция бөлімінің қызметкерлері Шымкент қаласының 38 жастағы тұрғынын анықтап, ұстады. Тексеру жұмыстары жүргізіліп жатыр.

Соңғы кезде осындай алаяқтықтардың белең алғаны рас. Егер осындай жағдайдың құрбаны немесе куәгері болсаңыз, тез арада 102 нөміріне хабарласқаныңыз жөн.