Шетел асып кеткен Әбіләзовтың ісі бір елде тоқтатылды

Францияда шетел асып кеткен қазақстандық олигарх және оппозиция жетекшісі Мұхтар Әбіләзовтың үстінен жүргізілген сот тоқтатылды.

Agence France-Presse басылымының хабарлауынша, оның ақшаны жымқыру және сенімге нұқсан келтіру ісінің мерзімі ескірген.

Париж апелляциялық сотының шешімі түпкілікті емес, өйткені банк адвокаттары оған кассациялық шағым түсірген.

Еске салсақ, Әбіләзовке қатысты Қазақстан, Ресей және Украинада қылмыстық істер қозғалған. Оған алаяқтық, жалған құжат жасау және билікті асыра пайдаланды деген айып тағылды.

Қазақстанда Әбіләзов 7,5 млрд долларды жымқырды деп айыпталуда. 2018 жылдың қарашасында Қазақстан соты экс-банкирді өмір бойына бас бостандығынан айыруға сырттай үкім шығарған.