Шет елге кеткен қазақстандық зейнетақы жинағын қалай шеше алады?

Қазақстаннан көшіп кеткен азамат зейнетақы жинағын шешу үшін жауапты органдарға жүгіну керек. Атап айтқанда, тұрғылықты жері бойынша ішкі істер органдарының көші-қон қызметінің аумақтық бөлімшесіне немесе халықтың көші-қон саласындағы реттеуді жүзеге асыратын мемлекеттік орган ретінде ІІМ-іне бару қажет. Бұл туралы BAQ.KZ хабарлады. 

Шет елге кеткен қазақстандық зейнетақы жинағын шешу үшін:

• Заңда белгіленген тәртіппен тұрақты тұруға кетуді рәсімдеу. Ол азаматтың Қазақстан аумағында орындалмаған міндеттемелердің жоқтығын растайды;
• БЖЗҚ-ға құжаттар топтамасын тапсыру керек.

Зейнетақы жинақтарын шешу 10 жұмыс күні ішінде жүзеге асырылады.

– Егер кететін азамат алдымен басқа елдің азаматтығын рәсімдеп, содан кейін Қазақстан консулдығына ҚР азаматының паспорты мен жеке куәлігін тапсырса, онда «Жеке тұлғалар» мемлекеттік деректер базасына «Азаматтығынан айырылуына байланысты Қазақстан уәкілетті органы берген құжаттардың жарамсыздығы туралы» мәліметтер енгізілетін болады. Алайда мұндай белгімен БЖЗҚ зейнетақы жинақтарын төлеуді жүзеге асыруға құқылы емес. Қазақстан аумағынан тыс жерлерге тұрақты тұруға кетуге байланысты төлемге өтінішті орындаудан бас тартуды болдырмау үшін, ең алдымен, белгіленген тәртіппен шығуды ресімдеу керек және осыдан кейін ғана басқа елдің азаматтығын рәсімдеу қажет, делінген Бірыңғай зейнетақы қорының хабарламасында.