Шешенстан басшысы Рамзан Қадыров өзін лауазымынан босатуды сұрап отыр

Шешенстанның басшысы Рамзан Қадыров өзін лауазымынан босатуды сұрап отыр, деп хабарлайды Orda.kz.

Бұл туралы Қадыров «Чечня сегодня» ақпарат агенттігіне мәлімдеді. Сондай-ақ, ол журналистерге берген сұхбатында өзінен кейін келетін ел басшысы туралы да пікір білдірді.

«Мені лауазымнан босатсын деп өзім сұрап жатырмын. Басқа адамның өз бастамалары, өз көзқарасы болады. Менің өтінішімді қолдайды деп үміттенемін», – деді Қадыров. 

Шешенстан басшысы өзінің өтінішін кімге жолдап отырғанын нақтыламады.

Еске сала кетейік, Рамзан Қадыров Ақтаудағы әуе апатына себеп болған дрондарды атып түсіру туралы есеп берген інісін марапаттағаны туралы жазған едік.