Шерзаттың әкесіне қарсы қылмыстық іс қозғалды ма?

Бас прокурордың орынбасары Ғалымжан Қойгелдиев Шерзат Полаттың ісіне қатысты пікір білдірді, деп хабарлайды Orda.kz.

Қойгелдиевтің айтуынша, Талғар ауданындағы кісі өліміне қатысты тергеу бақылауға алынып, айып тағылған адамдар қамауға алынған.

«Талғар ауданындағы кісі өліміне қатысты тергеу бақылауда, күдіктілер ұсталды, бірқатар айып тағылды. 15 қазан күні ішкі істер министрінің орынбасары мен облыс прокуроры төрағалығымен БАҚ-қа арналған брифинг өтті. Сіздерге тергеу барысы жайлы толық есеп берілді. Әкесіне қатысты ешқандай қылмыстық іс қозғалмағанын айта аламын. Өрт қою оқиғасына қатысты да сараптамалар тағайындалып, тергеу жалғасуда», – деді Ғалымжан Қойгелдиев.