Шерзаттың әкесі үндеу жасады

16 жасында қаскүнемдердің қолынан қаза тапқан Шерзат Полаттың әкесі Нұрымов Қаржаубай қалың жұртшылыққа үндеу жасады, деп хабарлайды Orda.kz.

Нұрымов Қаржаубай алып-қашпа әңгімелермен монтаждалған видео, суреттерге сенбеуге, митингке шықпауға шақырды.

«Құрметті қазақ, сіздердің алдарыңызда басымды иемін, көп-көп рахмет. Балам үшін бізді қолдап, қол ұшын беріп, көмек көрсетіп жатырсыздар, үлкен алғысымды айтамын. Қонаев қаласында полиция департаментінен келдім, іс дұрыс қаралып жатыр. Халқыма өтінішім бар: ешқандай қантөгіс, митинг болмасын. Менің қағидам – заң аясында шешілсе екен деген тілек», - деді Шерзаттың әкесі.

Қаржаубай өзінің отбасының қауіпсіздігіне алаңдайтынын айтты. Себебі бірнеше рет журналистер мен адвокаттардың атын жамылып қорқытулар болған.