Шерзат Полаттың әкесі 15 тәулікке қамалды

11 желтоқсан күні таңға жуық Шерзат Полаттың Талғар ауданында шу тудырған өліміне байланысты қоғамдық белсенділер мен отбасының адвокаттары құрған justice_for_sherzat парақшасында әкімшілік соттың туыстарына қатысты шешімдері туралы ақпарат жарияланды, деп хабарлайды Orda.kz.  

Жарияланған мәліметке сәйкес, шешімдерді кезекші судьялар қабылдаған.  

«Қаржаубай— бұзақылық бойынша 15 тәулікке қамауға алынды. Таңертең апелляцияға береміз. Бақыт (Қаржаубайдың туыс қарындасы) — митингке шақыру бойынша 15 тәулік және елден шығару (ол ҚР азаматы емес). Салтанат (Қаржаубайдың қарындасы) — бұзақылық бойынша 20 АЕК айыппұл салынды. Айғазы (Қаржаубайдың күйеу баласы) ісі бойынша сот таңертең өтеді» делінген әлеуметтік желідегі хабарламада.