Шерзат ісі: полиция департаменті басшысынан Ішкі істер министрінің бірінші орынбасарына дейін

Талғардағы оқиғаға қатысты Бауыржан Әленов  Ішкі істер министрінің орынбасары болып тағайындалғаны жайлы ведомство басшысы пікір білдірді, деп хабарлайды Orda.kz.

Бауыржан Әленов Шерзаттың қазасына дейін Алматы облысы полиция департаменті басшысы қызметін атқарды. Оқиғадан кейін қызметінен босатылып,  Ішкі істер министрінің бірінші орынбасары болып тағайындалды. Әленовтің жаңа қызметіне байланысты ведомство басшысы Ержан Саденов түсіндірді:

«Бізде кадрлық резерв деген ұғым бар екенін түсініңіздер. Бір ғана қылмысқа қарап шешім қабылдауға болмайды, ұсыныс бұған дейін қабылданған болатын. Иә, ол бұл қылмыстың толық ашылуына дейін жауапты болды. Ол тәжірибелі офицер, резервте тұрды. Тергеуді тергеуші жүргізеді. Сол жағдай бойынша ол басшылық етті, ал қазір менің тікелей бақылауыммен тергеу-оперативтік тобы құрылды»,  деді Сәденов сенат дәлізінде. 

Еске сала кетейік, Талғарда кісі қолынан қаза тапқан Шерзат Болаттың жанұясының адвокаттары әлеуметтік желіде тергеу барысына қатысты мәліметтерімен бөлісіп, соттың ашық өтетініне сенетіндерін айтты.